لو مصري بجد ادخل

السلام عليكم ورحمة الله

مساء الخير او صباح الخير عليكم

انا مسجلة هنا من السنة اللي فاتت بس مكنش ليا نشاط كتير يعني كنت بدخل اتصفح بس

المهم اني طالبة منكم طلب

ومن كل الكليات مش بس كلية اداب

طبعا كلكم شفتم اللي حصل

وشفتم كرمتنا وكرامة بلدنا اتهدرت ازاي في بلدنا وبرة بلدنا

وطبعا اكتر حاجة حرقة دمي لما شفت علم بلدي بيتحرق وبيتداس عليه

انا طالبة منكم تعملوا اي حاجة ولو كانت بسيطة تردوا بيها كرمتكم

حتى لو مش بتحب مصر اعمل حاجة عشان الناس المعتقلة في الجزائر

اعمل حاجة عشان الاطفال اللي اتضربت هناك وفي السودان

والبنات اللي اتهانت

والشتايم اللي سمعناها وسكتنا

واتقال علينا ان احنا صهاينة

ويهود

احنا لو كنا بنحارب اسرائيل مش هيعملوا فينا كدة

اعملوا حاجة

لازم يكون لينا دور

كل الجامعات عملت مظاهرات ورفعة مذكرات للمجلس الاعلى للجامعات

كليةالهندسة في القاهره عملت كتير

والجامعة الامريكية

وجامعة عين شمس

واحنا مش اقل من دول

انا مش طالبة منكم تعملوا مظاهرات وتكسروا في الجامعة

انا كل اللي طالباه يكون ليكم دور فعال

عشان منسبش حق الناس اللي اتهانت واتضربت واتشتمت برة وجوا بلدها

حط نفسك مكان حد منهم؟؟!!

احساسك ايه وانت بتتهان من حد هو اقل منك سواء كان في التعليم او الثقافة

حق المصريين دول لازم يرجع

فكروا في اي حاجة وان كانت بسيطة

اعملوا حاجة عشان نحس ان لينا دور في الجتمع

لو احنا معندناش حكومة تاخد لنا حقنا احنا بادينا ناخد حقنا

الموضوع مش ماتش كورة يا جماعة

الموضوع اكبر من كدة

لازم نفوق شوية

هرجع تاني هنا عشان اشوف رددكم عليا

وهرجع كمان عشان اجبلكم حاجات الكمان التليفزيونات معرضتهاش

تحياتي لك مصري